失望是來得自然的感受

看《香港小B選舉》有感

頒獎過後，小朋友返回後台，回到爸爸媽媽身邊。
有小朋友喊、有小朋友唔出聲、有小朋友好興奮話自己第二名⋯⋯

面對小朋友的失望，大人們好像在「安慰」‥‥
「唔緊要」、「無所謂」、「男仔嚟架，唔使喊」
「好犀利呀你！個個都好叻呀！」
「你做得好好呀！」

以上的回應，不但只沒有「安慰」作用，還要完完全全地忽略小朋友的感受！

坦白講，代入小朋友的角度，
我嚟比賽喎！我用咗好多心機練習㗎喎！
點會唔緊要呀？點會無所謂呀？

而大人在旁的說話，只係換個方式說：「你唔好再喊啦！」。
又或許大人們都唔知點處理「失望」「落空」的感受。

-小小節錄-
當有位爸爸面對仔仔的失望
仔仔：「無冠軍呀」
爸爸回應重複幾次：「你做得好好啊！」
然後開始說教，當爸爸講到「冠軍只有一個，其他小朋友都無，比賽係咁嘅。」呢個時候小朋友搖搖頭。後續還說：「第一唔重要嘅！」

小朋友的每一個眼神、表情，都在說話，只是大人有太多說話想說/想教，完全沒有理會小朋友的回應。（眼神、表情、動作，都是在回應。）

如何回應小朋友？
當小朋友一臉失望走過來，請先別急著說話！
大人請你停一停，辨識一下小朋友當刻的情緒，直接說出，如：「我見到你好似有啲失望啊！」
「我知道你之前一直好努力練習，放咗好多心機，當頭先宣佈結果時，聽到冠軍唔係你，你覺得好失望啊！」
小朋友要喊，就讓他盡情喊吧！

回應情緒，就單單純純地回應情緒。
不要任何添加，不用說教，點到即止。

要讓小朋友明白到享受過程，不是說說教教就明了。
享受過程是包含埋面對落敗、失望、接受結果、重新接受挑戰啊！